Thomas Thygesen Avannaata Qimussersuinngorpoq
Nalunaaqutaq marlunut qiteqquteqqammertoq, Thomas Thygesen Avannaata Qimussersuinngorpoq
Qimussimik sukkanniuulluni Unammiffigineqartoq 40 kilometerisut isorartutigaaq, sukkanniuunneq pissanganarluinnartumik ingerlanneqarpoq.
- Aallarnerlulaaraluarlunga Aqqutaa tamaat siuttuuvunga, Thomas Thygesen Avannaata Qimussersuini ajungaasoq KNR-imut taama oqarpoq.
Nuna tamakkerlugu qimussit
Thomas Thygesen, Saattuneersoq, Avannaata Qimussersuini pingajussaanneerluni ajungaavoq. Siullermik 2005-imi ajungaaqqaarpoq aappassaarneerlunilu 2006-imi ajungaasimavoq.
Avannaata Qimussersuini sukkanniunnissami, sukkaniuttussanit 37-usunit peqataaffigineqarpoq.
Saqqamiit peqataasussat apuunniarnerat ajornakusoorsimangalurpoq, taamaakkaluartorli ukioq manna sukkanniunnermi peqataasussat tamarmik tikitsinneqarput.
Thomas Thygesen, Saattuneersoq Henrik Jensenimit tulliulluni apuuttumit malinneqarpoq. Ilannguaq Berthelsen Ilulissaneersoq pingajuulluni apuuppoq, Kali Lund Mathæussen,Aasiaat, sisamaattut inissippoq Jonas Kristensenilu Aasianneersoq tallimaattut apuuppoq.
