Theresa May tunuartoq
Theresa Mayip inatsisartunut nalunaarutigeqqammerpaa, juunip ulluisa arfineq aappaanni tuniarniarluni. dr.dk taama allaaserisaqarpoq
Tuluit EU-mit aninissaat pillugu isumaqatigiissut inatsisartunit ilalerneqanngilaq, Theresa Mayimmi EU-mit aninissaq pillugu sisamariarluni saqqummiussaraluarpoq inatsisartunili ilaasortanit amerlanerussuteqartunit akuerineqanngilaq. Soorlu aamma naalakkersuisuutitani tuniliaqquttanilu EU-mit aninissaq pillugu akuersitinniarsimagaluarpai taperserneqanngilarli.
Theresa Mayip siusinnerusukkut oqaatigigaluarpaa, EU-mit aninissaq Underhusetimi akuerineqarpat tunuarniarluni, tamannali sioqqullugu tunuarniartussanngorpoq.
heresa May premierministeritut Det Konservative Partimilu 2016-imili siuttuuvoq, May 1997-imi inatsisartuni ilaasortanngorpoq, kingorna nunanut namminermut ministeritut 2010-mit 2016-p tungaanut ministeriulluni.
