Tuluit Nunaat Themsenimi qilalugaq qaqortaq takuneqartoq
Tuluit Nunaanni kuussuarmi Themsenimi qilalugaq qaqortaq takuneqarsimasoq, BBC allaaserisaqarpoq.
Allattoq Anton Gundersen Lihn
Nutserisoq Bikki P. Kleist
Qilalugaq qaqortaq tammartajaavissorunartoq, Arfernut aarluarsunnullu piujuaannartitsinissamut suliffeqarfiup nalilerpaa.
Tuluit Nunaanni qilalukkat qaqortat qaqutigoorluinnarput, qilalukkammi Alaskami, Ruslandimi, Canadami Nunatsinnilu uumasuusarput.
Qilalugarlu qaqortaq sunik nerisaqanersoq suli paaseqqissaarneqanngitsoq nakkutigeqqissaarneqartorlu, Londonimi talittarfimmi avatangiisinut pisortap Tanya Ferryip oqaatigaa.
Qilalugarli nuaarluttorsimassangatinneqarpoq.