Thailandimiut filmiliaat ajugaavoq
Oqariiginnarniartalu. Ajugaasoq tupaallannaannarpoq!
Tassami thailandimiut filmiliaat "Angaa/akkaa Boonme siullermik inuunerisimasaminit eqqaamasalik - "Onkel Boonme, der kan huske sit tidligere liv" ajugaavoq.
Filmip taassuma ajugaanera isiginnaartartunit iluarineqarpallaanngilaq, nersornaammi tunniunneqarmat nuimasut issiaviiniit pakatsillutik nikassaallutillu nillerrattorsuupput.
Danskit aviisini naliliisartut filmi taanna nersualaarpallaarsimanngilaat, aviisip Berlingske Tidendilli sisamanik ullorialerpaa, sinnerisa pingasut ataasiinnarmik ullorialerlugu.
Filmimili ilitsersuisup, thailandimiup Apichatpong Weerasethakulip, suna tamaat eqqissisimasumik tiguaa, aliortukkat anersaallu tamaasa qutsavigai, Frankrigip kujasissuaniittumut Cannesimukarsinnaatissimammanni.
- Ukiut 30-t matuma siorna filmertarfik sunaanersoq nalulluinnarpara, maanna ilisimasaqarnerulaalersimavunga, filmertarfilli eqqumiitsuuvoq, taannami aqqutigalugu silarsuatsinnik avitseqatigiissinnaanngorsimavugut, ilitsersuisoq oqarpoq.
