Thailandimi sakkutuut naalagaata naalakkersuisut tunuaqqulerpai
Bangkokimi tusagassiortunik katersortitsinermi Paochindap aamma piumasaraa, akerliussutsimik takutitsisut tuusintilikkaat akerliussutsimik takutitsisaqattaarnertik unitsissagaat, Bangkokimilu timmisartunut mittarfissuaq qimassagaat.
Akerliussutsimik takutitsisut ullumikkut sakkortusaarnerulerput timmisartunullu mittarfissuarmi uivertitsilerlutik, tamannalu pissutigalugu sakkutuut akuliutsinneqarnissaat tusatsiarneqarsimavoq.
Naalakkersuisut isumaqatigiinniarnissamik kissaateqarnerat, taamalu timmisartut mittarfissuannik assersuinermik unitsitserusunnerat, akerliusut siuttuata itigartissimavaa.
Takornariat Danmarkimeersut 100-t sinneqartut Bangkokimi mittarfissuarmi ippassarli assersorneqalersunut ilaapput, amerlanerilli allamukaassorneqareersimapput.
Thailandimi eqqissiviilliortoqaraluartoq qaartartumeerisoqaqattaaraluartorlu danskit kungissaata nuliatalu Thailandimi tikeraarnertik ingerlatiinnarpaat.