Thailandimi paaqqinnittarfiit ilaanni aallaasersortoqarnerani inuit 34-nit ikinnerunngitsut toqutaasut

Thailandip avannamut kangisissortaani Uthai Sawanimi alianartumik pisoqarpoq, siornatigummi politiiusimasoq paaqqinnittarfiit ilaanni saassussisimavoq aallaasersorlunilu.

Nutaarsiassaqartitsivik Reuters taama allappoq.

Politiit pisortaasa ilaata Reuters naapertorlugu oqaatigaa 34-t toqutaasimasut - taakkunannga meeqqat 22-t. Toqutaasut ilaat marlunnik ukioqartoq, oqartussat nalunaarutigaat.

Paaqqinnittarfimmik saassussisup nuliani meeqqanilu saassussereernermini aallaallugit toqussimavai imminullu kingorna toqulluni.

Aallaasersorlunilu savilersorsimasoq

Saassussisoq aallaasersorlunilu savilersorsimasoq, politiinit oqaatigineqarpoq. Nutaarsiassaqartitsivik AFP taama allappoq.

Saassussisoq politiitut siorna oktobarip tungaanut atorfeqartoq, politiit ilisimatitsissutigaat. Saassussisoq tassani soraarsitaavoq. Politiit oqarnerat naapertorlugu soraarsitaanera ikiaroornartulerisimanermut tunngassuteqarpoq.

Thailandimiut amerlasuut akuersissuteqarlutik sakkuuteqarput, sakkulli Thailandimut anngiortumik eqqussorneqartartut amerlasut aamma oqaatigineqarpoq. Taamaattorli Thailandimi aallaasersornerit qaqutigooortuupput.

Nutaarsiassaqartitsivik Reuters taama allappoq.