Thailandimi naalakkersuisut sukannernerulerput
Thailandimi illoqarfiit pingaarnersaanni, Bangkokimi naalakkersuisunik tapersersuisut illuatungiliuttullu unnuaq aporaanneranni inuk ataaseq toqutaammat 34-illu ikiligaallutik, maanna ministeriuneq, Samak Sundaravej sukannersumik naalakkersuisoqalersoq nalunaarpoq.
Allattoq Louise M. Kleemann
Thailandimi TV-kkut aallakaatitsisarfiup, NBT-p, sukannersumik naalakkersuisoqalernera nalunaarutigaat. Ministeriuneq isumaqarpoq, akerliussutsimik takutitseqattaarnerit, naalagaaffiup isumannaallisarneqarnera inuillu oqartussaaqataatillugit, aqutsiniarneq sanngiillisinneqartut, taamaammallu sukannersumik naalakkersuisoqartariaqalersoq.