Thailandimi eqqissiviilliortoqalernissaa aarleqqutigineqarpoq

Thailandimi illoqarfiit pingaarnersaanni, Bangkokimi septembarip aallartinnerani naalakkersuisut akerliussutsimik takutitseqattaarfigineqarneri sakkortusiartuinnarmata, naalakkersuisut sukannersumik naalakkersueriarlutik ippassaq pissutsit nalinginnaasut atuutilerseriarlugit ullaaq nalunaarput naalakkersuisut siulittaasussaannik nutaamik toqqaasimallutik. Ungasinngitsoq tikillugu naalakkersuisunut siulittaasup, Samak Sundaravejip nuannarinnginneqaqaluni tunuartitaasup, Thaksinip naalatsitaannaatut isigineqarluni aamma tunuartitaanerata kingorna, partiip naalakkersuisuutitallip, PPP-p oqaaseqartartuata nalunaarutigaa, Thaksinip najaata uia, Somchai Wongsawat nalakkersuisut siulittaasuattut toqqarneqartoq. Taamaammat akerliussutsimik takutitseqattaarnerit aallarteqqinnissaat ilimagineqarpoq, takornarissallu takkusuuttarfiat nalliutilermat aningaasarsionikkut kinguneqapilussinnaanera aarleqqutigineqarluni.