Thailandimi akerliussutsimik takutitsiniarput
Thailand-imut – sakkutuut ullut pingasut matuma siornagulli pissaaneq tigummassulli naalakkersuisunut uppititsisunut akerliussutsimik ullumi takutitsisoqarniarpoq.
Akerliussutsimik takutitsineq inerteqqutaagaluartoq akerliussutsimik takutitsinissamik aaqqissuisut ingerlaaqatigiinniarput – sakkutuut pissaanermik tigusisut massakkut akerliussutsimik takutitsiniartunut akornusersuinialeruttorput.
Taakkua tassaapput suleqatigiit septemberip19-ianni naalakkersuisunik uppititsinermut akerliuniartutut imminnut taagortut taakkualu unnummut akerliussutsimik takutitsinissamut aggersaasuupput – taakkua tassaapput suliniaqatigiit assigiinngitsut, ilisimatuut aamma ilinniarnertuut, Thailandimi universitetit tusaamaneqarnersaanni – Thula Longkornimeeersut. Ilisimatooq Charles Yi oqarpoq:
- Inuinnaat oqartussaaqataanerat pilersinniarlugu sakkutuut pissaanermik tigusisinnaanngillat. Thailandimi naalakkersuinikkut pissutsit pitsanngorsarniarlugit inuinnaat demokratii naapertorlugu pisinnaatitaaffiinik naqisimannittoqarsinnaanngilaq.
