Thabo Mbeki tunuarnialersaarpoq
Sydafrikap præsidentia Thabo Mbeki tunuarniarpoq. Partiip naalakkersuisuutitaqartup ANC-p piumasaqaateqarneratigut Thabo Mbeki ullumi taama nalunaaruteqartoq, Danmarks Radiop nittartagaani atuarneqarsinnaavoq.
Allattoq Mads Lynge
Tamanna pissutaalluni immikkut ittumik aqagu ataatsimiittoqarnissaa Mbekip ilisimatitsissutigaa. Mbekip tunuarniuteqartariaqarnissaa ANC-p siulittaasuata Gwede Mantashep piumasaqaatigereeraa ataatsimiittoqarnissaanik nalunaarut Mbekip saqqummiuppaa.
Mbeki 66-inik ukioqarpoq, Sydafrikallu præsidenterisimasaa Nelson Mandela 1999-imi taarserlugu.
ANC-mut illuatungiliuttut siuttuat Jacob Zuma Mbekimit mamarlerneqarsimanerarneqarpoq, atorfimmilu ileqqorluttuliorsimasutut unnerluutigineqarnikuulluni.