Terianniaq illoqarfimmut qaninngoortoq
Paamiuni politiit terianniamik illoqarfiup sissaani ippassaq pisaqarput. Terianniaq kaannermik peqquteqartumik illoqarfimmut qaninngoorsimassangatinneqarpoq.
Allattoq Louise M. Kleemann
- Terianniaq kaassimarpasippoq, illoqarfiullu meerataanit malersorneqarnermi kingorna ikeqangaatsiarluni, taamaattumik toquinnarniarlugu aalajangerpugut, politiassistenti Kim Andreaasen oqarpoq.
Illoqarfimmi innuttaasut ullut 14-it kingulliit ingerlaneranni arlaleriarlutik teriannissamik takusaqartarput, ilimagineqarporlu terianniaq taanna takuneqartarsimassasoq.
Terianniaq perlerornermik nappaateqarsimassangatinneqanngilaq, taamaattoq niaqua misissugassanngorlugu Pinngortitaleriffimmut nassiunneqassasoq politiit oqaatigaat.