Tele-Postimi pisortat nutaat

Tele-Postimi pisortaanertaap, Kristian Reinert Davidsenip pisortanik marlunnik atorfinitsitsinermigut suleqatissani inissippai.

Allattoq Karsten Sommer

marsip 01-at 2016 05:44

Nutserisoq Tikaajaat Kristensen

Pisortat nutaat aappaa tassaavoq Royal Arctic Linemi sulisoqarnermi immikkoortortaqarfimmi ukiuni arfineq pingasuni akisussaasuusimasoq, Helena Rotvig Kristiansen. Taanna Karl-Henrik Simonsen KNR-imi pisortanngortussaq apriilip aallaqqaataani kingoraarlugu atorfinissaaq.

Helena Rotvig Kristiansenip Tele-Postimi suliassanik ingerlatsisussat nunatsinneersut piginnaasaannik ineriartortitsineq pingaarnerutillugu ukiuni tulliuttuni suliassarissavaa, Kristian Reinert Davidsen allappoq.

Aamma atuaruk Tele-Postip allaffeqarfimmini sulisut ikilisarpai

Pisortallu nutaat aappaa tassaavoq savalimmiormiut Brian Smedemark 35-nik ukiulik, taanna suliaqarfimmi nutaami "Nioqqutinut Nittarsaassinermullu immikkoortortaqarfimmi" pisortanngussaaq.

Taanna Savalimmiuni Føroya Telemi, Tele-Postimi pisortaanerup Kristian Reinert Davidsenip suliffigisimasaani, aningaasaqarnermut pisortatut atorfeqarsimavoq.

Taassuma Tele-Postip sullitaannut iluaqutaasussamik nioqqutit pitsaanerunissaannik pisariinnerunissaannillu anguniagaqarneranik suli annerusumik qanillattuutissavai, Kristian Reinert Davidsen allappoq.