Innaallagissamik qamitsinissaq Tele-Postip ilimasaarutigigaa
Attaveqaatit suulluunniit sisamanngornerup unnuaani sunnerneqarsinnaanerat Tele Postimit ilimasaarutigineqarpoq. Suliniummut Mobile Firstimut atatillugu atortorissaarutinik pitsanngorsaanermut atatillugu tamanna pissaaq.
Allattoq Inge S. Rasmussen
januaarip 16-at 2018 12:59
Nutserisoq Simon Uldum -
Sisamanngornermi januaarip 18-iani nalunaaqutaq 02-mit 06-imut sivikitsukkuutaartumik innaallagissamik qamitsisoqartassasoq ingerlatseqatigiiffiup pilersaarutigaa. Kabelinik allanngortiterisoqarneranut atatillugu innaallagissamik qamitsinissaq pisariaqartinneqarpoq.
Innaallagissamik qamitsinerit kingunerissavaat piffissami tassani attaveqaqatigiinnerit qanorluunniit ittut tamarmik sunnerneqarnerat - aamma sinerissami radio, Tele-Post nalunaaruteqarluni taama ilisimatitsivoq.
Suliniummi Mobile Firstimi Nunarput tamakkerlugu 4G-mut attaviit ledningeqanngitsumik ingerlasut sukkasuullu siammarneqassapput, pingaartumik nunaqarfiit eqqarsaatigalugit.
