Tele-Post: avannaa attavineqqippoq
- Nuannaarutigisinnaavarput massakkut Attuminngaanniit, sakkortusaavitsinniit Attup eqqaaniittumiit attaveqaqqilernikuugatta, tassa massakkut attaveqalerpugut Uummannap tungaanut, nunaqarfiit illoqarfiillu tamarmik attaveqalernikuupput ajorpasinnatillu, Kim Hammond Zinck KNR-imut oqarpoq.
Qanorpiaruna pisoqarami?
- Tassa sakkortusaavimminngaanniit kallerup innera ajutoorsimasoq, taava qujanartumik teknikkeritta ajoqutaa nassaaraat aaqqissorlugulu taamaalillunilu ingerlaqqilerluni.
Tassa Teleminngaanniit massakkut pissusissamisoortumik ingerlaqqilerpoq?
- Ja, tassa taamatut massakkut inissisimavoq, suu.
- Tassa soorunalimi maanngaanniit sakkortusaavik nakkutigaarput qanoq ingerlanersoq, aamma nakkutigerusaaginnavittussaassavarput ulluni tulliuttuni, Telep teknikkikkut pisortaa Kim Hammond Zinck taama oqarpoq.