Tel Aviv tiguassallugu sioorasaaripput

Israelimiut timmisartui Libanonimi illoqarfiit pingaarnersaata, Beirutip, kujasinnerusortaani ullaaq kingumut saassussipput.

Hizbollah-kkunnut attuumassutillit Beirutip kujasissortaani saqqumilaartuupput, qaarnerillu ikinnerpaamik 19-t tamaani ullaaq tusaaneqarput, israelimiullu nunami sakkutuuisa Hizbollah-kullu sorsuttartuisa sakkuaannerat kujammut annertusivoq, Libanonip Israelillu akornanni killeqarfik maanna angullugu.

Israel Beirutimut saassussissagaluarpat Tel Aviv tiguarniarlugu Hizbollah-kut pisortaata ippassaq unnukkut sioorasaarutigereeraalu qaartartumeerinerit ullaaq pipput.

- Beirut saassutissagaluarussiuk, muuamaamik upperisalinnut akerliusut Tel Aviv tiguassaqqaarpaat, taamaaliornissaminnullu qununngilluaasarput, Hizzbollah-kut pisortaat videokkut immiussami oqarpoq.

Israelimi illersornissamut ministereqarfimmit tusarfik TV-qarfiit ilaannut ippassaq oqarpoq, Tel Aviv Hizbollah-kunnit qaartartumeerneqassagaluarpat Libanonimi ataqatigiinnermut attaveqarfiit Israelip suujunnaarsissagai. Tassalu taama pisoqarmat, Hizbollah-kut pisortaat, Nasrallah, ippassaq unnukkut ingerlaannaq taama akineqarpoq.