Tel Aviv saassukkusuppaat
- Saassussiunnarussi saassussiunnaassaagut, Hizbollah-p siuttua Hassan Nasrallah tuluit nutaarsiassaqartitsiviannut Reuters-imut unnummut oqarpoq.
Hizbollah-lli siuttuata oqaatigaattaaq Israel Libanonip illoqarfiisa pingaarnersaannik, Beirutimik saassusseqqissappat, Israelip illoqarfiisa annersaata tulliannik Tel Aviv-imik saassunniarlutik.
- Beirut eqqussagussiuk, pikitsitsiniat islamisiortut Tel Aviv eqqorumaarpaat. Taamaaliorluarsinnaapput, videomik immiussami Hassan Nasrallah oqarpoq.
Nasrallah aamma oqarpoq Hizbollah-kkut Israelip avannarpasinnerusortaanut rakettinik saassussisaqattaarnerat unitsinneqarumaartoq, Israelip Libanonip innuttaanik sakkutuujunngitsunik saassussisarnini unitsissappagu.