Aalborgimi isiginnaartitsisarfiup kalaallit sammigai
Aalborg Teaterip innuttaasunut isiginnaaritsisarfiani taanna takutinneqarumaarpoq.
Innuttaasunut Isiginnaartitsisarfimmik aaqqissuussinermi, innuttaasut nalinginnaasut akuutinneqartarput ulluinnarnilu inuunerminni oqaluttuassartaat oqaluttuarineqartarlutik. Tassa namminneq oqaluttuarisaanerat inuttullu qanoq innerat piviusuunngitsunik oqaluttuarisaanermilluunniit allanngortitsisunik akoornagit oqaluttuarineqartarlutik. Oqaluttuat oqaluttuassartaat kisimik isiginnaartitsisarfimmi isiginiarneqartarput.
Innuttaasut ilaat immikkut ittut paasisaqarfigineqarnerunissaat, Aalborg Teaterimeersup Jens Christian Lauenstein Led-ip neriuutigaa.
- Isiginnaartut isiginnaarnermikkut silarsuaat annerulissasoq aamma Aalborgimi kalaaliunerup qanoq inneranik paasisaqartoqarnerunissaa neriuutigaarput. Kalaallit maani najugaqativut qanoq assigiinngiiaartiginersut aamma Kalaallit Nunaata Danmarkillu akornanni inissisimaneq qanoq innersoq paasisaqarfigerusuttorujussuuavut, Jens Christian Lauenstein Led oqarpoq.
Aamma atuaruk Kalaallit Aalborgimi isiginnaartitseqataalerput
Kalaallit Aalborgimi najugallit 1.600-t missiliorpaat, taakkulu ilaasa neriuutigaat apriilip 16-ianni paasissutissiilluni Tamassami aamma isiginnaartitsisarfimmi ataatsimiinnissanut aggialluarumaartut.
Isiginnaartitsissut ukiaru takuteqqaarneqartussatut naatsorsuutigineqarpoq.