Team Greenland aningaasaliisussanik amigaateqartoq

Team Greenland aningaasaliisartumik pingaarnermik nutaamik ujarlertariaqalerpoq, Sulisitsisut Peqatigiiffiata aningaasaliisutut pingaarnertut Team Greenlandimik isumaqatigiissutini, ukiup naaneranut taamaatittussanngoraalu.
Allattoq Elisa Isaksen
decembarip 18-at 2009 08:16

Taamaattorli Team Greenlandip siulersuisuini siulittaasup Finn Meinelip, nutaamik aningaasaliisartussarsiornissartik neriulluarfigigaa, Sermitsiami ullumikkut taama allaaserinnittoqarpoq.

- Suliffeqarfinnit aningaasaliisartoorusuttunit siusinnerusukkut saaffigineqareerpugut. Aamma soorlu Nuna Fonden isumaqatigiissutiminik ukiunik pingasunik qanittukkut sivitsuereerpoq.

Sulisitsisut Peqatigiiffiata isumaqatigiissummik taamaatitsinini, iluamik pissarsiaqaatigisannginnerarlugu tunngavilersuutigaa.

- Iluamik nittarsaanneqarneq ajoratta. Aamma isumaqarpugut Team Greenlandip aningaasaliisartut iluamik ussassaarutigisanngikkai. Taamaattumik aningaasaliissutigisartakkatta allamut atornissaat aalajangiussimavarput, Sulisitsisut Peqatigiiffiata pisortaa, Henrik Leth oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq