Nunarsuaq tamakkerlugu nappaat taanna akiorniarneqarpoq ukiullu tamaasa inuit 8-9 mio.-nit nappaammik tamatuminnga toqquteqartarput.
Kalaallit Nunaanni ukiuni tallimani kingullerni inuit 77-it TB-mik nappaateqarnerannik nalunaarsorneqarsimapput, Ilaqutariinnermut peqqissutsimullu pisortaqarfiup tusagassiutinut nalunaarusiaa naapertorlugu kisitsit tamanna Afrikami Indiamilu TB-p atugaaneranut assersuunneqarsinnaasoq.
Sakialluutip TB-p nunatsinni atugaanera millisarniarlugu Naalakkersuisut ukiaq kingulleq 2007-miit 2012-mut iliuuseriniakkatut siunniussat akuersissutigaat.
Tuberkuloseqalersimagaanni ersiutaasarput, quersortualerneq, unnuakkut kiagorujussuartarneq sanigornerlu, ersiutillut taakku maluginiartalersimagaanni piaarnerpaamik nakorsiarnissaq innersuussutigineqarpoq.
Erseqqissaatigineqarporlu sakialluummut TB-mut akiuussutissaq pitsaanerpaaq tassaammat peqqissuuneq, timimi nappaatinut akiuuussutissaqarluarpat taava TB-mik tunillanneqarnissaq ilimanannginnerussammat.