Taxat freeqqakulapput
Taxartartut iterissartuut timmisartumut ilaallutik angalaniat ullaaralaaq isertitaqaatigilluartaraluarpaat. Timmisartulli uninnganeranni taxat aningaasarsiorfiisa pingaarnerit ilaat uniusavippoq.
- Ilimagaara isertitagut maanna 20-25 procentimik appariartut Ilulissat avannaani angallannermi aqqusaartoqartaqimmat, taama KNRimut oqarpoq taxaatilik Isak Reimer.
Pissutsit aamma taamaapput Sisimiuni tassani aamma mittarfik illoqarfimmut ungasiarmat.
- Maani pingasoriaammik eqqugaavugut, taama KNRimut oqarpoq taxaatilik Steen Jensen.
- Januar ilungersunartuaannarpoq. Aamma malunaarput Royal Greenlandip suliffissuata matoqqagallarnera malugeqaarput taakkulu qaavatigut maanna timmisartuussineq unippoq. Ilimagaara ulluni makkunani isertitagut 10-15 procentimik appariarsimassasut, taama Steen Jensen nassuiaavoq.
Taxartartup Nuummi eqeersimaartup aamma nakkutigeqqissaartarpai timmisartut tikittarfii.
- Taxartartut iterissartuut ullaaralaakkut isertitaqarluartarput. Taannali aningaasarsiorfissaq uani sapaatip akunnerani unilluinnarsimavoq, taama KNR-imut oqarpoq Taxa 363636-mi pisortaq Karen Bøggild.
- Uani sapaatip akunnerani pingasoriaammik eqqorneqarpugut. Tassa januari atuuppoq, timmisartut uninngapput aammalu ulluni makkunani Nuummi silagissorsuummat inuppassuit suliffimminnut pisuinnartarput, taama Karen Bøggild oqarpoq.
