Angut 52-inik ukiulik Derrick Bird Tuluit Nunaata kitaata avannarpasissuani Lake Distriktip ilaani biiliniit eqqaassivoq.
Toqutaasunullu ilaavoq eqqartup anaanaa.
-Toqoraasoq ilanngullugu inuit aqqaneq marluk toqusimasut politiit oqaaseqartartuat oqarpoq.
Taxartartup eqqaassileruttornerata nalaani politiit innuttaasunut takornarissanullu mianersoqqusillutik kalerrisaaripput, illunut isaallutik imminnut illersorniaqqullugit.
Maannamut suli paasineqanngilaq taxartartup suna puussutigisimaneraa.
Taxaatileqatigiiffiup paasissutissaatai naapertorlugit angut kisimiittuuvoq, nammineq taxaateqarluni, inoqatiminullu akuliuttuunani.
Taxartartoq aallaasersornermi kinguninngua imminut toqussimasoq nassaarineqarpoq.
Tuluit Nunaanni assingusumik pisoqartarnera akuttusuupilussuuvoq, inuinnaat aallaasinik sakkoqarsinnaanerat sakkortuumik alaatinaanneqarnera pissutaalluni.