Ilinniarnertuunngorniarfinni upperisaq pillugu ilinniartitsinermi pisoq maanna ilanngunneqartalerpoq titartakkalli ilinniusiani suli ilaalersinneqanngillat. Ilinniusiortartup imminut killilersortalersimaneq peqqissimissutigaa. Ilinniummi 'Islam Debat'-imi, tassa Islam pillugu oqallisissiani, 2008-mi saqqummersumi muuamaat pillugu najummassimanartorsiorneq ilaatinneqarpoq.Titartakkalli eqqissiviilliortitsilersut ilaanngimmata ilinniarnertuunngorniat taakku arajutsivaat.
- Taakkua ilanngunneqanngillat. Imminut killilersortariaqarneq pillugu ilaatinneqanngitsut ilinniusiortoq Allan Poulsen aviisimut Kristlig Dagblad-emut ullumi oqarpoq.
Allan Poulsen ullumikkut peqqissimivoq, ilaatinneqartussaasimagaluarpummi. Upperisarsiorneq pillugu ilinniarnertuunngorniarfinni HF-inilu ilinniartitsisut peqatigiiffianni siulittaasoq, Marie Louise Egbert Lauritzen, isumaqataavoq.
- Titartakkat ilaasa allaanerulaarnerat takutissallugu isummernissamut iluaqutaassagaluarpoq, ilaatinneqarsimanngimmatalu uggornarluni.
Marie Louise Egbert Lauritzenip titartakkat atuartitsinermini iluaqutaalluartumik atortarsimavai.
- Sooq taamarsuaq pikitsitsilersimanersut muslimiunngitsut paasissagaluarpaat, muslimillu pisup immikkuualuttortai ilanngullugit paasisimassagaluarlugit, aamma atuaqatitillu eqqartorlugit.
Ilinniarnertuunngorniarfinni ilinniartitsisut siulittaasuat isumaqarpoq, nuuamaat pillugu titartakkat upperisamik ilinniartitsinermi ilaatinneqartariaqaraluartut.
- Upperisarsiorneq ulluinnarni inuunitsinnut ilaasorujussuuvoq taamaammallu upperisami isornarsinnaasut ilikkagaqarfigissallugit pisariaqarluni.
Ilinniartitsisut siulittaasuat isumaqarpoq titartakkat atuakkap tulliani naqinneqarnissaani ilaatinneqartariaqartut. - Ilinniusiortoq asuliinnaq ajorsitsaarissanngilaq aammali allamik upperisalinnut inuiaqatigiinnilu ikinnerussuteqartunut iluareqqusaarluni imminut killilersorniassanani, Ilinniarnertuunngorniarfinni ilinniartitsisut siulittaasuat oqarpoq.