Taste of Greenland BBC-mi
Filmit Taste of Greenland BBC World Service-imut tunineqaqqammerput. Filmillu taakku Skandinavia tamakkerlugu Kangianilu Qiterlermi taamaalillutik takutinneqartussanngorlutik.
Filminik tunisineq Cannes-imi nittarsaassivissuarmi MIPCOM-imi, filminik aliikkusersuinernillu pisinernik, tunisinernik, aningaasalersuinernik siaruarterinernillu nunarsuarmi suliaqarnerpaasartumi, pivoq.
- Aallakaatitassiat takutinnissaannik BBC-p aalajangernerata malitsiganik, Nunatta nunani tamalaani takussaanerulernerata saniatigut, aallakaatitassiat pitsaassusaannik akuersinertut isigisariaqarpoq - taamaalillunilu tv-qarfiit allat aallakaatitassianik soqutiginnilernerannik kinguneqarsinnaalluni, pisortaaneq Anders Stenbakken oqarpoq.