Tassaarujussuup nunarput eqqorsinnaavaa?

Malerujorujussuaq imarpissuakkooreerluni Kalaallit Nunaata Savalimmiut Danmarkillu sineriaannut annguppoq. Qujanartumik sungiusarnermik tamanna aallaveqarpoq, tassami naalaagaaffeqatigiit tassaarsuartoqarsinaaneranut aarlerisaarinermut sillimanissamut sungiusarneq marlunngorpat pissaaq.

Allattoq Jaaku Lyberth

novembarip 23-at 2012 07:46

Portugalip avataani ukioq 1755-mi nuna sajummat Portugal-imi illoqarfiit pingaarnersaat Lissabon piuneerussaavoq, taamanilu pisoq aallaavigalugu sungiusartoqassasoq nalunaarutgineqarpoq.

Taamanersuaq nuna sajummat tassaarsuaqarpoq nunap sineriaanut anngukkaangamik meterinik arlalinnik portussuseqartartunik.

Ullumikkut nuna sajukkaluarpat, malerujussuit meterimik ataaseq sinnerlugu portutigisut nunatta savalimmiullu sineriaanut anngutissagaluarput, Danmark-ip sineriaanut centimeter-it ikiuttuinnarnik portutigisut anngutitssallutik Danmark-imi silasiorfik DMI Danmarkimi aviisimi Berlingske Tidende-mi issuarneqarpoq.

Tassaarsuartoqarnissamut piareersimatitsilluni sillmaneq Danmark-imi siorna atulersineqarpoq, aatsaallu siullermeerluni misilittarneqassaaq.
Sungiusarnermi Kalaallit Nunnaani politiit aamma Namminersorlutik Oqartussat peqataassapput.

Tassaarujussuup nunarput eqqorsinnaavaa?

Aamma atuaruk