Tassaarsuaqarnerani eqqugaasunut inissiat taartissat kinguaattoorutigineqartut
Ineqarnermut Attaveqaqatigiinnermullu naalakkersuisoqarfimmit siornatigut nalunaarutigineqaraluarpoq inissiat taartissat 2019-imi apriilimi iserterfigineqariaannanngorlugit naammassineqassasut.
Inissiat taartissat sanaartorneqarneri pilersaarutit malillugit ingerlapput.
Sanaartukkanilli nakkutilliisut misissuinerminni ajoraluartumik paasivaat, ruujorit sumiiffimmi imermik pilersuivimmut kuuffeqarfimmullu atasussat oqorsaataat tunisassiarineqarnerini kukkuneqarsimasut, naalakkersuisoqarfik ullumikkut taama paasissutissiivoq.
Kukkunerit kingunerisaannik ruujorit taarsersorneqartariaqarput, kukkunerit najukkami iluarsineqarsinnaanngimmata.
Ruujorit nutaat 2019-imi aasap ingerlanerani umiarsuarmut siullermut ilaallutik tikissapput, tamatumalu kingorna taarsersuineq aallartinneqarsinnaalissalluni.
- Tamanna tunngavigalugu inissiat taartissat atorneqalernissaat kinguaattoorfiuvoq. Iserternissaq apriilimi pinnani, siusinnerpaamik 2019-imi pinissaa naatsorsuutigineqarpoq, Naalakkersuisut tusagassiorfinnut taama nalunaaruteqarput.
- Kinguaattoortoqarnera utoqqatsinartorujussuuvoq, kukkunerli ima annertutigaaq, 2019-imi apriilimi isertertoqarsinnaanani, Ineqarnermut Attaveqaqatigiinnermullu naalakkersuisoqarfik taama allappoq.
