Taskeq qaartartumik imaqanngilaq
Klampenborgimi qimuttuitsut unittarfianni taskeq qimataq ullaap-tungaani nassaarineqartoq qaartartumik imaqarsorineqaraluartoq, ulorianartunik imaqarsimanngilaq, kiaagaluarnerpullu 'nammineq inuttut piinik' taamaallaat imaqarsimalluni.
Sjællandip Avannaani Politeeqarfimmi tusagassiuutinut nalunaarutinut ataqatigiissaarisartoq, Henrik Suhr, nutaarsiassaqartitsivimmut Ritzauimut taama ilisimatitsivoq.
Taskeq qimuttuitsut umittarfianni perusuersartarfimmi nassaarineqarpoq, qaartartunillu paasisimasaqarluartunik politiit nalunartut pillugit ingerlaannaq aggersaapput.
Qaartartunik paasisimasaqarluartut taskimik misissuineranni qimuttuitsut ingerlaarnissaat tamarmik - nunap iluani S-togillu - taamaatiinnarneqarallarput. Taskerli tassa qaartartumik imaqanngilaq.