Tasiilarmiuaraq siumut saakkiartorpoq
- Siumukarluarpoq peruluttullu inaanniit meeqqat immikkoortortaqarfiannut nuutinneqareerluni. Immikkuk ittumik nakkutigisariaarutereerpoq pitsanngoriartuinnarlunilu.
Islandimi napparsimavissuarmi peruluttunut immikkoortortaqarfimmi nakorsaaneq Møllerimik imminut taagortoq taama oqaluttuarpoq - taassumallu nangilluni oqaluttuaraa niviarsiaqqap aallartoorfigitinnermi kingorna arfininngormat pilatsereerluni pitsanngoriartuinnarsimasoq.
Ataasinngorneq tikillugu niviarsiaraq anersaartuuteqartinneqaraluarpoq, ullulli marluk qaangiutiinnartut siuariarnera ima pitsaatigilerpoq allaat meeqqanut immikkoortoqarfimmut nakkutigineqartussanngorlugu nuutinneqarluni. Qanoq sivisutigisumik tassaniinnissa nalunarallarpoq kisiannili ullorpassuunngitsut qaangiuppat Tasiilamut utersinnaassaasoq, nakorsaaneq isumaqarpoq.
Tasiilami meeqqat ukioqatigiiaat niviarsiaqqap angerlarsimaffiata silataani aallartoornerup nalaani pinnguarnerat pillugu paasiniaaneq suli ingerlanneqartoq politiiniit nalunaarutigineqarpoq.