Tasiilaq pineqaatissinneqarsimasunut inissiisarfeqalerpoq
- Pineqaatissinneqarsimasunut inissiisarfiup ammarnissaa qilanaarisimaqaarput, aamma suliffissanik nutaanik illoqarfimmiunut pilersitsiviummat nuannaarutigeqaarput. Suleqatigiinnissaq pitsaasoq qilanaaralugu illoqarfimmik sungiussilluarumaartusi neriuutigaarput, borgmester Asii Chemnitz Narup inissiisarfimmik tikilluaqqusilluni ilassinnissutimini taama allappoq.
Pineqaatissinneqarsimasunut inissiisarfik, 15-inut inissaqarpoq aqqanilinnillu sulisoqarluni. Sulisut arfinillit Tasiilameersuupput, sulisullu sinneri Danmarkimi pineqaatissinneqarsimasunut isumaginnittoqarfimmeersuullutik.
Pineqaatissinneqarsimasunut inissiisarfimmi betjentitut Tasiilami arnani siullersaalluni ilinniartoq, Bente Mathiassen, pisortatigoortumik ammaanermi qalersamik kipisisuuvoq.
