Tasiilaq eqqartuussisooqataasunik amigaateqartoq
Tasiilami eqqaanilu innuttaasut 3000-it missaanniittut akornanni eqqartuussisooqataasoqarnerani suliat ukiuni pingasuni kingullerni agguaqatigiissillugit 50-iupput. Eqqartuussisooqataasinnaasut 25-t pisariaqartinneqarput. Maannakkullu eqqartuussisoqaataasinnaasunit sisamanit taakku amerlanerungaatsiarput.
Tasiilamilu amerlanerpaat sulinaveersaartarneranik tamanna peqquteqarunartoq, Kalaallit Nunaata Eqqartuussiviata pisortaata tullersortaata, Lars Christian Sinkbækip oqaatigaa.
- Inuiaqatigiit ikinneranik peqquteqarsinnaavoq. Pisuni arlaqartuni amerlasuut imminnut ilisarisimasariipput, taamaammat illoqarfimmi naapikkajutamik eqqartuussisooqataanissaq immaqa unammillernartuusinnaavoq, Lars Christian Sinkbæk oqarpoq.
Taanna isumaqanngilaq suliffimmik tusaamanerluineq pillugu eqqartuussisooqataajumasoqanngitsoq.
- Eqqartuussivitta suliaqartarnera ataqqineqangaatsiartoq malugisarparput. Eqqartuussisooqataasut arlaatigut nuanninngitsumik arlaannilluunnit inuiaqatigiinni pineqarneranik misigisaqarnikuunngilagut, misigissutsilli nuanniissinnaanerat isumaqatigaarput. Tamannali ernumagisariaqanngilaq.
Nunarput tamaat eqqartuussisooqataasut 532-t pisariaqartinneqarput. Maannali eqqartuussisoqaataasut 235-nnaapput tassa affaanngillalluunniit.
Qaammarsaasoqarneratali amerlanerusut suliffimmut soqutiginnilersitsissavai.
Eqqartuussisooqataasalernissamut soqutiginnikkuit septembarip arfineq aappaat nallertinnagu nalunaaruteqassaatit. Suliffimmut tunngatillugu annerusumik domstol.gl-imi atugaqarsinnaavutit.
