ASSIT Tasiilap aqquserngi asfaltilersorneqartut
![](/sites/default/files/styles/image_934x467/public/article_images/asfaltering_i_tasiilaq_sermersooq.jpg?itok=J9ZzLXoW)
![](/sites/default/files/styles/image_934x467/public/article_images/asfaltering_i_tasiilaq_sermersooq2.jpg?itok=8XPb1z2K)
![](/sites/default/files/styles/image_934x467/public/article_images/asfaltering_i_tasiilaq_sermersooq3.jpg?itok=6-4SGF4u)
Sapaatit-akunneri marluinnaat qaangiuppata Tasiilami aqquserngit nutaamik asfaltilersoreersimassapput. Tasiilami aqquserngit iluarsartuunniarlugit atoruminarsarlugillu aallartereerput inaarneqalereerlutillu, Kommuneqarfik Sermersooq taama nalunaaruteqarpoq.
Suliffeqarfiup Colasip sapaatit-akunnerinik marluinnarnik piffissaqartinneqarlutik asfaltiliassat, maskiinat, atortussat sulisussallu Islandimit Tasiilamut tikiuppaat, Kommuneqarfik Sermersuumilu sulisut suleqatigalugit illoqarfiup aqquserngi kusassarlugit aallartillugit.
Pilersaarutip ukioq manna aallartinnissaa qulakkeerniarlugu kommunalbestyrelsi ukiup matuma ingerlanerani ilassutitut aningaasaliissutissanik akuersissuteqarpoq. Tasiilami asfaltilersuineq tamakkerlugu missingersuutit 16,5 millionit koruuninngussapput.
- Illoqarfimmi Tasiilamisut ittumi aqquserngit suliarineqarnissaannut pilersaarut taama angitigisoq suliarissallugu suliassaavoq annertooq. Atortussat tamaasa sumiiffimmut ataatsimut assartorneqarput, nunataatalu inissisimanera silaannarlu aallaavigalugit pilersaarusiortussaalluta, Rudi Birkedal, Rudi Birkedal, Kommuneqarfik Sermersuumi sanaartornermut pisortaq taama oqarpoq.
Tasiilamili aqquserngit iluarsartuunneqarnerisa kingorna, ukiuni tulliuttuni arfineq-pingasunit qulit tikillugit annertuumik asfaltilerisoqaqqinnginnissaa Kommuneqarfik Sermersuup naatsorsuutigaa.