Tasiilami suliniuteqarnissamut aningaasaliisoqartoq
![](/sites/default/files/styles/image_934x467/public/article_images/tasiilaq_streetview.png?itok=y-m1Hi-a)
Tasiilamilu qitiusumik katsorsaaveqalernissamut Naalakkersuisut immikkut ittumik ukiormannut 2,5 milliuunit koruunit aningaasaliissutigaat.
Tasiilami utaqqiisaasumik katsorsaaviliornissamut illumik nassaarniartoqassaaq, ataavartumilli katsorsaavittaassamik qimarnguimmillu nutaamik sanaartornissanut aningaasaliissutit atorneqassapput.
Isumagininnermut Naalakkersuisoqarfik Tasiilami siorna nakkutilliiartorpoq. Meeqqanut inuusuttuaqqanullu suliat naammassineqanngitsut 520-usut paasineqarput.
Kommuneqarfik Sermersuup suliniutai naammassimanngitsut, borgmesterip, Asii Chemnitz Narupip nassuerutigaa.
Nakkutilliinermi nalunaarsukkat naapertorlugit ajornartorsiutip aaqqiiffigineqarnissaanut Kommuneqarfik Sermersuumut attaveqarluarsimaneq, Isumaginninnermut Naalakkersuisup, Martha Lund Olsenip nuannaarutigaa.