VIDEO Tasiilami politiit innuttaasunik oqaloqateqartarneq iluaqutigigaat

Angerlarsimaffimmi eqqissiviilliornerit imigassartorsimanermik peqquteqartut Tasiilami piffissami sivisuumi annertuumik ajornartorsiutaasimapput. Ajornartorsiulli maanna milliartorpoq politiillu suliniut 'Angerlarsimaffiup iluani nakuuserata oqaloqatigiitta' isumalluarfigisupilussuuaat.

Allattoq Arnaq Nielsen, Camilla Dam

apriilip 17-at 2015 11:40

Suliniutaasoq politiinit inunnillu isumaginnittoqarfimmit peqataaffigineqartoq Kitaani ukiuni marlussunni ingerlanneqarsimavoq Tunumilu siorna aggustip qaammataani aallartisarneqarluni.

- Ukiormanna qaammatit taakku pingasut ingerlaneranni sunniuteqalereerpoq. Kisitsisit maannakkorpiaq taasinnaanngikkallarpakka, kisianni ukioq naappat naatsorsuutigivara appariaateqarsimanissaat, Mati Larsen, Tasiilap Politiivini ulluinnarni aqutsisoq taama oqarpoq.

Aamma atuaruk Angerlarsimaffinni eqqissiviilliornerit ikilinissaannut oqaloqatigiittarneq sakkussaavoq

Sunniutaa politeeqarfimmi ersarippoq.

- Qaammatini pingasuni tigummigallagaqanngilagut. Neriuppunga taamaaginnassasoq.

- Ukiorpassuarni aatsaat taama sivisutigisumik inoqanngilaq, Mati Larsen oqarpoq.

Angerlarsimaffimmi eqqissiviilliortoqarneranik nalunaarutigineqartut 2012-imi 371-iusimapput