Silassaq

Tasiilami politiit aqqusinertigut pisariaqanngitsumik angalaqqusinngitsut

Tasiilami piterarnera pissutigalugu politiit illoqarfimmi aqqusinertigut angallaqqusinngillat. Illoqarfimmi suliffeqarfiit allat assigalugit politeeqarfik pingasunngornerup sinnera aamma matuvoq.
Assi © : Hjørdis Viberg
Allattoq Anton Gundersen Lihn
januaarip 09-at 2019 11:47

Tasiilami pingasunngornermi sakkortuumik Piterarpoq. DMI-p ilisimasaarutaa naapertorlugu anori 40 m/s-imit sakkortunerussaaq.

Taamaammat illoqarfimmi aqqusinertigut pisariaqanngitsumik angalasoqannginnissaa politiit kaammattuutigaat.

AAMMA ATUARUK Tasiilami piterarnissaa pissutigalugu matoqqatitsisoqartoq

Tamatuma saniatigut politeeqarfik pingasunngornermi ullup sinnera matuvoq. Politiinulli upalungaarsimasunullu suli attaveqartoqarsinnaavoq, oqarasuaammut 1-1-2-mut.

- Innuttaaasut politiinut attaveqarniarunik oqarasuaat Nuummut vagtcentralimut nuunneqartassaaq, politiit allapput.

AAMMA ATUARUK Atuarfik paaqqinnittarfiillu pingasunngornermi matoqqassasut

Kommuneqarfik Sermersuup Tasiilami kommunip immikkoortortaqarfii paaqqinniffiilu matugai, kommunimi susassaqarfimmi pisortaq ilisimatitsivoq.

Kommunimiittaaq innuttaasut eqqarsarluarlutik isersimaannarnissaat kaammattuutigaarput.

 

Tasiilami silap maannakkorpiaq qanoq-innera:

 

Aamma atuaruk