Video: Tasiilami piterarnissaa pissutigalugu matoqqatitsisoqartoq
- Pingaaruteqartorujuuvoq. Tasiilami igalaatik matoorlugit piareersartarput, ilaatigut sakkortuumik pisoqariasaartarami. Soorlu ilaatigut silasiutit aarlerisaarutaanniit allaanerungaartumik, sakkortunerungaartumik takkuteriataartarpoq, taamaammat eqqatsinniittut takusinnaavakka igalaatik matooreersimagaat ilimagalugu sakkortuumik anoraasuarnissaa.
AAMMA ATUARUK Tasiilami piterarnera pissutigalugu atuarfiit paaqqinnittarfiillu matoqqassasut
Qimagussuinissaq ajornarsisinnaasartoq
Tasiilami ullaap tungaani sakkortuumik piterarnissaa aarlerisaarutigineqarpoq. Taamaattumik atuarfik, meeqqeriviit, kommunip allaffia pisinniarfiillu ilaat ullumi pingasunngornermi matoqqatinneqarput.
Persertussaassammallu aqquserngit eqqanaasarniarlugit aputaajaasartunit nivanneqartut, Ole Nûko oqarpoq.
Atuarfiit matoqqatinneqarnerannut ilaatigut pissutaavoq piterarneraani qimaguissuinissaq ajornakusoorsinnaasarpoq, meeqqammi 450-t missaaniipput, Hjørdis Viberg KNR-imut oqarpoq - taamaattoq innuttaasut piareersimasut erseqqissaatigaa.
AAMMA ATUARUK Tasiilami piterarnera pissutigalugu atuarfik meeqqerivillu matoqqatinneqartut
Ajornartoortoqartillugu Kommuneqarfik Sermersuumi immikkoortumi aqutsisoq Tasiilamiittoq Hjørdis Viberg attavigineqarsinnaasoq, Kommuneqarfik Sermersooq nalunaaruteqarpoq.
Upalungaarsimasut pisariaqassagaluarpat ornigunnissaminnut piareersimasut Hjørdis Vibergip ilisimatitsissutigaa, pinasuartoqarneranilu 112-imut sianertoqassaaq.
DMI-p ilisimasaarutaa naapertorlugu 40-it qaangilaarlugit sakkortussuseqartumik piterassaaq.