Tasiilami piterarnerani ajornartorsiuteqartunut Sermersooq attaviliisoq
![piteraq](/sites/default/files/styles/image_934x467/public/article_images/piteraq_3.jpg?itok=y_IyfA97)
- Anorlerunnaariarpat innarlernerit naatsorsorlugit aallartissaagut aammalu iluarsaassinissanut piaartumillu iluarsiinissanut pilersaarusiussalluta, Kommuneqarfik Sermersuup pisortaanera Steffen Ulrich-Lynge taama oqarpoq.
Sanaartugassanik suliassinneqartartut Tasiilami annerpaartaata Viking Greenlandip qanittukkut akiliisinnaajunnaarnera kommunimut aamma ajornakusoortitsivoq. Anorlerneranimi innarlikkanik iluarsaassiniarneq kommunimut ajornakusoornerulerpoq:
- Sanarfinermut Avatangiisullu Ingerlatsivinni aaqqiissutissanik ujartuillutik ulapputtorsuupput, taamaalillutik suliassat ingerlaannaq aallartinneqarsinnaaniassammata. Ajornartorsiummik ilungersunartumik nassaartariaqarpugut, Steffen Ulrich-Lynge oqarpoq.
AAMMA ATUARUK ASSIT Piteraq Tasiilami ajoqusiingaatsiarpoq
Tasiilami anorersuartoqarnerani eqqugaasimasut attveqarfigisinnaasasssaat Kommuneqarfik Sermersuup pilersippaa, assersuutigalugu aqqusernit asserneqarsimappata 36 77 21-mut sianertoqarsinnaalluni, illullu innarlerneqarsimappata 48 57 28-mut sianertoqarsinnaalluni.
Oqarasuaatit taakku marluk ullaakkut nalunaaqutaq arfineq-pingasuniit ualikkut nalunaaqutaq sisamat tungaannut ammasassapput.