Tasiilami piteqqamit eqqugaasut Kalaallit Røde Korsiata ikiorsilerai
![piteraq piteraq](/sites/default/files/styles/image_934x467/public/article_images/piteraq_7.jpg?itok=bAWXRnA8)
Illuutit pigisallu allat piterarnerani annertuumik ajoqusersimanerat tusagassiuutitigut saqqummiunneqarnerisa kingorna ilaqutariit eqqugaanerpaasut 50.000 koruuninik ikiorserneqarnissaannik aalajangerneq nuna tamakkerlugu siulersuisut isumaqatigiissut akuersissutigigaat, Kalaallit Røde Korsiat tusagassiorfinnut nalunaaruteqarluni taama allappoq.
Aamma atuaruk Piterartoqarnerani eqqugaasunut katersuiniartoqalersoq
Kikkut Kalaallit Røde Korsiannit aningaasatigut ikiorserneqassanersut Kommuneqarfik Sermersuumi Isumaginninnermut ingerlatsivik suleqatigalugu aalajangiiffigineqassaaq, ingerlatsiviullu Tasiilami ilaqutariinnut ikiorserneqarnissaminnik pisariaqartitsinerpaasunut aningaasat ingerlateqqissavai.
Kalaallit Røde Korsiat marlunnik aningaasaateqarfeqarpoq tamarmik immikkut 100.000 koruuninik aningaasaateqartunik. Nuna tamakkerlugu Aningaasaateqarfik Nunatsinni pinngortitap pilersitaanik allatigullu annertuumik ajutoornerni ikiorsiissuteqartarpoq, soorlu Tasiilami piterarnerani pinartumik ikiorsiinissamik pisariaqartitsisoqalerneratut ittunut.
Aamma atuaruk ASSIT Piteraq Tasiilami ajoqusiingaatsiarpoq
Aamma atuaruk Tasiilami piterarnerani ajornartorsiuteqartunut Sermersooq attaviliisoq