Tasiilami nakorsiat unnuisarfiat ipertooq

- Tikikkaangamik iserfigisarpaat inigisassatik ipersuarmik ulikkaartut. Kamillarsinnaanngillat, alersii natermut nipputtaramik. Siniffigisassaat ipersuarmik qerattarlutik, tassa innarfissaat. Oqurutissaqanngillat, aatsaat tikittuugamik soorunami suna tamaat naluaat, Therecie Pedersen oqaluttuarpoq.

Aammali nerisassat iluarinarsimanngillat. Iffiaq kilitap affaa immussualik boorlullu affaa margarinamik tanitaq taamaallaat ullaakkorsiutigisaraat, Therecie Pedersen oqaluttuarpoq.

- Paniga pujoralammik sapigaqartuuvoq, tassalu taama ipeqartigisumut erniartornermini immikkut aamma eqqugaavoq. Kisianni siornakkunnili taamaattuarsimavoq, saaffiginnikkaluaraangamalu iluarsineqassanatik.

Illoqqortoormiormiu Therecie Pedersen taama oqarpoq. Tasiilap Napparsimmaviani pissutsit pillugit nakorsat ittuat kisimi oqaaseqarsinnaavoq, kisianni taanna attaveqarfiginiaraluaratsigu ilutsinngilarput.