Tasiilami meeqqat 201-it angerlarsimaffiup avataaniipput
Tasiilami meeqqat 201-it angerlarsimaffiup avataanut siorna inissinneqarsimapput, ukiup siulianut naleqqiukkaanni 47-nik amerlanerullutik.
Meeqqat angerlarsimaffiup avataanut inissinneqarsimasut amerlanerpaartaat ilaqutariinnut inissinneqarsimapput, sinneri ulloq unnuarlu meeqqanut inissiisarfinnut inissinneqanngikkunik meeravissianngortinneqarsimapput.
Ammassalik Kommunep ukiumoortumik nalunaarutaani 2006-imoortumi atuarneqarsinnaasut tamakku ilagaat.
Meeqqat pillugit suliniutit 2006-mi ingerlanneqartut ilagisimavaat, meeqqanik sumiginnaasarneq qulequtaralugu nunaqarfinni sullissisunik ataatsimeersuartitsinerit. Aamma ilaqutariinnut sullissivimmut nutaatut aningaasaliisoqarsimavoq.