Tasiilami iluarsaassineq aallartittoq: Ulapeqaagut

- Qanoq aseruatitertigisoqartiginera paasiumallugu saliileruttorpugut. Inunnik qujanartumik ajoqusertoqanngilaq, kisianni illoqarfimi tamarmik pigisanik aseruatitertoqarpoq. Illut arlallit qaliaat igalaavilu aseruatitersimapput. aamma biilit arlallit igalaavi aseruatitersimapput, Kommuneqarfik Sermersuup Tasiilami immikkoortortami pisortaq, Hjørdis Viberg, taama oqarpoq.

Aamma ujaqqannik nunami uninngatitsisinnaasunik suli apisimanngimmat, ujaqqanit eqqorneqarlutik aserortut amerlanerarpai.

Kommunimi upalungaarsimasunilu sulisut illoqarfimmi illut aseruatiterneri maanna iluarsaatileruttorpaat.

Piffissami sivikinnermi inuit illuisa qaliaat qallersorneqartussaassasut, siunissamili ungasinnerulaartumi iluarsaassinissanut atortussanik tunumut tikittoqarnissaa utaqqeqqaartariaqaritsik, Hjørdis Viberg oqaluttuarpoq.

- septembarimiilereerpugut tassalu ukiussaq qanillereerput, siallertalereerluni, aammalu sapaatit akunnerat naappat sialuttalimmik anoreqassangatinneqarluni. Taamaammat iluarsaatilertortariaqarpagut, Hjørdis Viberg oqarpoq.

Piffissaq ungasinnerusoq isigalugu aaqqiineq

Suut tamarmik ataatsikkut aaqqinneqarsinnaanngillalli.

Aseruatiternikut annertupput, Tasiilarlu imaaliallaannaq tikinneqarsinnaanani, taamaammallu atortussat ilaat nassiunneqaqqaartariaqarput.

- Atortussat ilaat maannga nassiutsittariaqassavagut, imaaliallaannarlu nassiussisoqarsinnaanani. Taamaammat aaqqitassatut siulliussassagut tassaapput illup qaavi assigisaasalu matunissaat, Hjørdis Viberg oqarpoq.

Piteqqap piliaanik illugisaq aseruatitersimappat kommunimut saaffiginnissutigineqassasut, immaaqaluunniit inimut attartorfimmut, taassuma ilanngullugu oqaatigaa.

Innuttaasut annilaangaqisut

Illunik pisattanillu aseruatitertoqarnerata saniatigut aamma innuttaasut aalassassimaaqaat. Piteqqap kingorna innuttaasut annilaangallutillu tarnimikkut iluaalliuuteqarput, taamaammallu kommuni ikiorsiiniarluni sulissuteqarpoq.

- Illoqarfiimmi upalungaarsimasuutitaat piareersimalluartuupput, taakkualu iloqarfiup inui katersortarfimmut katersuutsissavaat, katerisimaarlutik misigisaminnik agguaaseqatigiinniassammata, aamma tarnip pissusaannik immikkut ilisimasalinnik allanillu upalungaarsimanermi najuuttoqassaaq.

Illoqarfimmili avinngarusimaqisumi sunilluunniit pisoqartillugu innuttaasut pisumik ataatsimoorlutik ikioqatigiittarnerat, taassuma nuannaarutigeqaa.

- Innuttaasut tunngaviusumik naleqartitaqarnerannit misigisaqaqqikkama qujamasuppunga. Piffinni ilungersorfinni ataqatigiittarput ikioqatigiittarlutillu. Tamanna tunumiut ilisarnaatigivaat, Hjørdis Viberg oqarpoq.