Tasiilami iliveqarfik allilerneqalersoq
![](/sites/default/files/styles/image_934x467/public/article_images/tasiilaq_kirkegard_sermersooq.jpg?itok=aUITu762)
Tasiilami iliveqarfik mikivallaalersimavoq, taamaattumillu allilerneqarnissaa pisariaqarluni. Taamaattumik alliliisoqarnissamut ukioq manna kommunalbestyrelse 1,5 millionit koruuninik immikkoortitsivoq. Kommuneqarfik Sermersooq tusagassiorfinnut nalunaaruteqarluni taama allappoq.
Kommuneqarfik Sermersuumi Sanarfinermut Avatangiisinullu Ingerlatsivimmit naliliigasuarneq naapertorlugu, aningaasat immikkoortinneqartut atorlugit ukiut aappaata affaanit ukiut marluk tikillugit assaanissamut pisariaqartitsinermut taamaallaat matussusiisoqassaaq. Taamaattumik Kommunalbestyrelsimit aalajangiunneqarpoq, alliliinissamut ukioq manna immikkoortinneqartussat 2,5 millionit koruuniussasut. Aningaasat kommunip karsianit atorneqassapput taamaalillunilu 2016-imi pilersaarusiamut katillugit 4 millionit koruunit atorneqarnissaat qulakkeerneqassalluni.
- Qanigisanik ilisilluni misigissuseqarnartuuvoq, taamaattumik ilaquttat ikinngutillu annaasimasat iliveqarfinni ilisaaniarpata Kommuneqarfik Sermersuumi inissaqartinneqartuarnissaat innuttaasunit qularineqassanngilaq. Taamaattumik Tasiilami pisariaqartitsinerup sivisunerusumik piunissaa qulakkeerniarlugu ukioq manna immikkut alliliinissamut aningaasaliinissatsinnut aalajangerpugut. Taamasilluni sanaartugassatut pilersaarusiaq aningaasatigut pissarsinarnerussaaq, aningaasartuutimmi suliamut attuumassuteqartut arlaqartut taakkuuinnarmata – suliat annertussusaat apeqqutaatinnagit, Ado Holm (IA), Sanarfinermut Avatangiisinullu Ataatsimiititami siulittaasoq taama oqarpoq.
Tasiilami suliaq aallartinneqareerpoq qaammatillu tulliuttut marlussuit iluini naammassineqarnissaa naatsorsuutigineqarluni.