Taseralik ornigarneqarluarpoq
Illu marsip ulluisa aallaqqaataanni ammarpoq, pingaartumillu filmertarfia atorluarneqaqaaq.
Taseralik marsip aallaqqaataani ammarmalli bilitsit 16.800-ingajaat maannamut tunineqarsimapput.
Imaappoq – naatsorsueqqissaarnikkut isigigaanni – kulturikkut illup marsimi ammarneraniilli sisimiormiut tamarmik pingasoriarlutik Taseralimmeereersimassapput.
- Pingaartumik filmertarfik atorluarneqartorujussuuvoq, pisortaq Juaaka Lyberth Sermitsiamut oqarpoq.
Quiasaarisoqassagaangat inuit aamma aggialluartarput, illarnermi nuannarigamikku.
- Quiasaarutit ilisarisinnaasatillu inuit nuannaraat. Ilimagilluinnarpara quiasaarisartoq Piitannguaq Alaufesen bilitserpassuarnik tunisaqarsinnaasassasoq. maani quiasaaritikkatsigu nuannarineqartorujussuunikuuvoq, Juaaka Lyberth oqarpoq.