Taseq tammartoq
Chilemi taserujussuaq tammarpoq. Qaqqat kuuinit, tasiusimasumut tassunga imeq pisarsimagaluarpoq, Jyllandspostenilli oqaluttuaraa, taserujussuaq taanna tupiginarsinnaasumik peerussimasoq.
Ilisimatuut oqarput imaassimasinnaasoq, nunap iluata taseq iisimagaa.
Qaammatini kingullerni arlaqalersuni Chilemi nuna sajuttarpoq, taamaasillunilu nunap iluisigut quppat pinngoralertarlutik. Tasersuarmi imeq quppanut kuussimasinnaavoq, taamaasillunilu taseq tammarluni.
Aamma taamatut assingusunik kalaallit nunaanni pisoqartarpoq. S.E Hendriksen Kangerlussuarmeersoq jyllandspostenimut oqaluttuarpoq, tatsimik tammartumik nammineerluni aamma Kalallit nunaanni takusimalluni.
- Qanngorpalussuaq tusaqqaarparput, paasivarpullu sermersuarmiit taamatut pisoqartoq, kinguninngualu taseq 50 cm-nik qaffappoq. Taamatut assingusumik Chilemi pisoqarsimasinnaavoq, S.E. Henriksen Kangerlussuarmeersoq oqaluttuarpoq.
