Tartupaluk pillugu suli assortuuttoqarpoq
Tartupaluk sumut atassanersoq Kalaallit Nunaata, Danmarkip Canadallu suli assortuussutigaat. Danmarkimi nunanut allanut ministeri, Per Stig Møller, Canadamilu nunanut allanut ministeri, Lawrence Cannon, ippassaq ataatsimeeqatigereersullu Nunanut Allanut Ministereqarfik taama ilisimatitsivoq.
Allattoq Mads Lynge
Issittoq, silap pissusaata allanngoriartornera qeqertannguarlu taanna najugaqarfigineqanngitsoq ilaatigut oqaluuserissallugit, Danmarkimi Canadamilu nunanut allanut ministerii ataatsimeeqatigiipput. Tartupaluk Kalaallit Nunaata Avannaarsuata Umimmaat Nunaat, Ellesmere Island, akornanniippoq.
Ukiunili 36-ni assortuunneq matumuuna aamma aaqqiivigineqanngilaq.
Nunanulli allanut ministereriaqarfiup erseqqissaatigaa Tartupaluk pillugu assortuuttoqaraluartoq, Danmarkip Canadallu ataqatigiilluarnerat innarlerneqanngitsoq.