Tartupaluk naalagaaffittut suaarutigineqarpoq
Canadamiu biologinngorniaq 27-nik ukiulik, Cavan van Ulft, Tartupaluk naalagaaffittut namminersortutut suaruutigaa, Tartupalummilu fyrstitut imminut suaarutigaluni.
Cavan van Ulft oqarpoq taamaaliorneq quiasaarutitut tiguneqassanngitsoq, ilumoorutaasutullu isigineqassasoq.
Tartupaluk fyrsteqarfittut taaneqartassasoq oqaatigaa, Tartupalullu nunarsuatsinni naalagaaffiit 203-ssaattut isiginiarneqassasoq.
Taanna aamma oqarpoq ukioq manna aggustip ulluisa 13-ianni Tartupaluliarsimagaluarluni, silarluppallaarmalli nunamut niusinnaasimanani.
- Neriuutigaara Tartupalummut uteqqissinnaassallunga. Nuanneqaaq. Ilami allaanngilaq Canadamiilluni, Cavan van Ulft, internetimi nittartakkamut Canada naggat com-imut oqarpoq.
Tartupaluk pillugu nunanut 200-nut allassimanerarpoq. - Pimoorullugumi Tartupaluk naalagaaffittut namminersortutut suaarutigaara, Cavan van Ulft naggasiivoq.