Tartupaluk Canadamut atavoq

Canadami nunanut allanut ministerip, Pierre Pettigrew-p, issittumi qeqertaq, Tartupaluk, pillugu nassuiaatini allanngortilerpaa. Tartupaluk Danmarkip Canadallu ukiorpanni assortuussutigaat.

Taama allappoq aviisi Ottawa Citizen.

Pettigrew-p manna tikillugu aalajangiusimavaa, Tartupaluk tuluit nassaarisimagaat, Canadalu 1931-imi kiffaanngissuseqalermat Tartupaluk Canamut tunniussimagaat. Taamaammat qeqertaq Canadamiut pigaat, Canadap nunanut allanut ministerial oqarpoq.

Illuatungaatigulli Danmarkip aalajangiusimavaa, Tartupaluk danskit pigigaat, qeqertarmigooq taanna kalaallimit nassaarineqarpoq, aammalu Kalaallit Nunaannut qaninnerulluni.

Aviisi Ottawa Citizen allappoq, Pettigrew immaqa nangaanerulersoq, aamma Canadami Naalakkersuisut ilisimasalittai qeqertap oqaluttuasartaanik maanna katersisut, ilumut uppernarsiniarlugu qeqertaq canadamiut pigigaat.

-Allanik piumasaqaateqarpoq. Danskillu oqaloqatigiittarnivut assersuusiorniarpavut, Pettigrew ilaatigut oqarpoq.

Pettigrew danskillu nunanut allanut ministeriat, Per Stig Møller, New Yorkimi qanittukkut ataatsimiikkamik isumaqatigiissutigaat, danskit canadamiullu naalagaafimmi atorfilittaasa paasiniassagaat, Tartupaluk sumut atanersoq, aammalu erfalasuliisarneq qaammatini kingullerni ingerlanneqartoq unitsinneqassasoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat