Tartupaluk assortuussutaajunnaarallarpoq
Tartupaluup canadamiunit kalaallinit danskinillu saqitsaassutaanera taamaatinneqarpoq, aningaasaqarnermut nunanullu allanut naalakkersuisup, Josef Motzfeldtip New Yorkimi FN-imut ataatsimiigiarnermini anguniakkani taamaalilluni angunerarpaa.
Nunatsinninngaaniit isigalugu oqaatigisakka uitsatigineqarlutik qujarunneqartut ilaatigut tassaapput sanileriilluarnerup attanneqarluarneranut iluaqutaanavianngitsoq ukiumit ukiumut erflasut assigiinngitsut amuneqartarnerat, taamaaliornerillu qangalili Canadamik suleqatigiinnernut naleqqutinngitsut, soorlu inuttut tikeraaqatigiittarnernut, suleqatigiinnernullu qangalili ingerlareersunut allanut, soorlu issittumi siunersuisoqatigiit sulinerannut, Josef Motzfeldt oqaluttuarpoq. FN-imilu maanna Canada isumaqatigineqarpoq Tartupaluup saqitsaassutaanera taamaatinneqassasoq atorfillillu annerit sulisinneqassasut qeqertamut pineqartumut nunamut sorlermut atanerunera qulaarniarlugu, issittuni pissutsit misissorneqarnerannut atatillugu aamma ataavartumik piujuartitsinissamik sulinerup iluani. Josef Motzfeldt oqarpoq.
Josef Motzfeldtip aamma qalleqqissarpaa silaannaap Issittuni allanngoriartorneranut atatillugu Canadamik suleqateqarnerit nangiinnassasut nunanut allanut ministereqatigiit isumaqatigiissutigigaat. Motzfeldt Amerikamut mobillikkut attaveqarfigigatsigu nipaa paasiuminaappoq.
