Tarnip pissusaatigut misissuisoqassanngilaq
Naak nunatsinni tarnip pissusaatigut siunnersuineq nunap inuisa kulturikkut tunuliaqutaannut naleqqussarneqartariaqaraluartoq, taamaattumillu paasiniaanikkut tarnikkut ikiuigasuarnermi iluaqutaasinnaagaluaqisoq, aningaasaliisarnikkut tamanna tapersersorniarneqanngilaq.
Allattoq Jokum Nielsen
Tarnip pissusaanik ilinniaqissaarsimasut Karen Marie Nathansen Dorte Løndahl Chemnitsilu PH-D-liorniarnerminni aningaasanik taperneqarnissaminnik itigartinneqarput.
KVUG, tassa Kommissionen for Videnskabelige Undersøgelser i Grønland, paasiniaanernik akuerisassanik misissuisarpoq, taakkulu misissoreeraangamikkik aningaaliisoqassanera tikittarlugu. Massakkullu taassa erserpoq aningaasaliisoqassanngisoq, tamannalu tunngavilersorneqarpoq paasiniaanissamut institutioneqanngimmat aningaasaliisoqarsinnanngitsoq.