Tarnimikkut nappaateqartut ulluat malunnartippaat

Nuummi tarnimikkut eqqarsartaatsimikkullu nappaateqartut qanigisaasa peqatigiiffiata "Sugisaq"-p siulittaasuata Esekias Therkelsenip oqalugiarnermini Inatsisartut Naalakkersuisullu tarnimikkut eqqarsaattaatsimikkullu nappaateqartunut suliniuteqarnerat tapersersorpaa nuannaarutigalugulu.

Peqatigiiffiup Sugisap, suliniutigineqartut tassaallu meqqat, inuusuttut, utoqqaat, taakkualu qanigisaat tapersersorpai.

Tarnikkut eqqarsaattatsikkullu nappatit pitsaaliorneqarnissaat pingaaruteqarnerpaasoq, Esekias Therkildsenip erseqqissarpaa, nappaatip nappaatigilereerneratigut katsorsarniartarnera akisummat kingusinaarluni paasineqarneratigut.

Tarnimikkut eqqarsartaatsimikkullu innarluuteqartut nappaateqartullu isertornagit, qusaginagit teqiginagillu aammasumik inuiaqatigiinni eqqartorneqarnissaat peqatigiiffimmit kissaatigineqartoq, Sugisap siulittaasuata Esekias Therkildsenip Nuummi Katersortarfimmi tarnikkut nappateqartut ulluat malunnartillugu ullumi oqalugiarnini taamatut naggaserpaa.