Taratsunik tunisassiorniarput
Qaqortumi aallarnisaasartut arnat marluk, immap tarajua suliaralugu taratsunik nerisassanut akuutissaliorfimmik atsersimasaminnik, Taratsit, pilersitsisimasut taamatut isumaqarput. Nunatsinni aatsaat taratsunik nioqqutissiorfimmik misiliisoqarpoq.
Nunatta kujataa, aallartisaasartut oqaasii malillugit, taratsunik nioqqutissiorfigissallugu piukkunnartuuvoq, sarfammi kissartup, Golfip sarfaata, nunatta kujataa aqqusaartarpaa, imarlu tarajulerujussuaq nassatarisarlugu.
Aallartisaasartut taakkua aallaqqaammut taratsut immap tarajuaneersut, nunatsinni pisiniarfinnut immikkuullarissunik nioqqutilinnut neriniartarfinnullu tuniniaaallutik misilinniarpaat.