Taqqatigut milittuulernermi kalerriisartoq

Danmarkimi inuusuttut ilisimatuut marluk allannguutaasinnaasumik paasisaqarsimapput.

Taqqatigut milittoortoqalersillugu aap ingerlarnga tusarnaarneqarsinnaalersissimavaat, taamaalillunilu inuup inuuneranik annaassigasuartoqarsinnaalerlunilu napparsimaveqarfimmut aningaasarpassuarnik sipaartoqarsinnaalersoq aviisimi Urbanimi allaaserineqarpoq.

Periuserlu pisariitsunnguusimavoq kinguneqarluartussaallunilu – napparsimasoq tillersiortillugu taqqani siorsulasoqarpaluppat taava arlaannik ajortoqarsimassaaq.

-Pisariitsuararsuuvoq akikillunilu, nakorsallu namminersortulluunniit tamarmik taama ittumik pisaarsinnaapput. Nakorsaq atortorissaarummik taama ittumik peqaruni erngerluni paasissavaa napparsimasoq taqqamigut milittoornissaminik navianartorsiortoq, taama oqarpoq periutsimik tamatuminnga paasisaqartup aappaa ilisimatuunngorniaq Samuel Schmidt.

Ilinniartut taakku marluullutik qarasaasiami programmi atorlugu taqqatigut tillersiuinermi taqqatigut milittoortoqalersillugu kalerriisartumik taamaalillutik paasisaqarsimapput.

Ilisimatuuniillu neriuutigineqarpoq teknikkikkut taamatut paasisaqarneq ukiuni aggersuni atuutilersinnaajumaartoq.